Maneira Fasil Kria File ISO Husi CD/DVD Uza Terminal

File ISO Ne'e Saida?
File ISO hanesan file ne'ebe inklui ho kontidu file system ISO 9660. ISO 9600 hanesan padraun ne'ebe utiliza para rai file ba CD/DVD, ou kontidu husi CD/DVD ne'ebe maka muda sai formatu *.ISO. Klaru liu File ISO hanesan file arkivu ou file image ne'ebe disponivel ba CD/DVD. Formatu ISO inagurada husi International Organization of Standardization (ISO) no sai hanesan formatu padraun ba kada disc, CD muzika no filme.

Dadus-dadus ne'ebe iha formatu ISO fasil para burning fali ba CD/DVD uza software hanesan Nero (Windows), Brasero ou K3B (Linux). Aliende ne'e mos, file ISO utiliza bodik ba distribuisaun kontidu husi CD/DVD liu husi internet, ezemplu file ISO husi sistema operasaun GNU/Linux ne'ebe maka bele download no depois burning fali ba CD/DVD. Fungsaun seluk file ISO bele sai media arkivu ba harddisk (backup), antisipasaun bainhira CD/DVD lakon ou a'at.

Oinsa Maneira Atu Kria File ISO?
Maneira fasil atu kria file ISO husi CD/DVD iha GNU/Linux hanesan tuir mai:

1. Loke Terminal iha sistema Linux
2. Depois hatama komando iha kraik ne'e:

Ezemplu:

dd  if=/dev/cdrom  of=/home/eligio/konforme.iso

Notas:
/dev/cdrom = Drive husi CD/DVD-ROM
/home/eligio = Folder/direktori fatin hodi rai file ISO. Tenser adapta ho ida-idak nian rasik.
konforme.iso = File nia naran ho extensaun (.ISO)


3. Hein to'o nia prosesu hotu, depois hare tok nia resultadu iha folder/direktori ne'ebe ita rai file ISO ba. 

Espera bele koko ho susesu.